समाचार भ्यूज 
नारायणगढ २२ मंसिर, एभरेष्ट बचत तथा ऋण सहकारी संस्था लि.को १८ औं वार्षिक साधारण सभा सम्पन्न भएको छ ।
संस्थाका ज्येष्ठ शेयर सदस्य श्री कुल बहादुर गुरुङ्गज्यूको प्रमुख आतिथ्यता तथा संस्थाका अध्यक्ष बालगोपाल चुकेज्यूको अध्यक्षतामा कार्यक्रम सम्पन्न भएको छ । कार्यक्रममा बोल्दै प्रमुख अतिथि ज्यूले हामीले कमाई संगसगै पैसा बचाउन जान्ने कला सिक्नु पर्दछ जुन सहकारी संस्थाबाट सिक्न सकिन्छ भन्दै एभरेष्ट साकोसले सहकारीको मुल्य, मान्यता र सिद्धान्तमा अनुसार समुदायमा आधारित उत्कृष्ट सेवा प्रदान गर्दै आएको र यस क्षेत्रको उत्कृष्ट सहकारीका रुपमा पहिचान स्थापित गर्न सफल भएको भन्दै संस्थाको प्रशंसा गर्दै शुभकामना व्यक्त गर्नुभयो । अतिथी कानूनी सल्लाहकार अधिवक्ता डा.कुन्साङ लामाले शुभकामना मन्तब्य व्यक्त गर्नुभएको थियो ।
कार्यक्रममा सम्पूर्ण शेयर सदस्यहरुका तर्फबाट शेयर सदस्य अर्जुन अधिकारी र श्री कल्पना सिग्देलज्यूले शुभकामना मन्तब्य व्यक्त गर्नुभएको थियो । सोही अवसरमा शेयर सदस्यहरुलाई सर्वाधिक बचत, नियमित बचत, उत्कृष्ट वित्तिय परिचालन, एभरेष्ट फेमिली, सर्वाधिक प्रविधी प्रयोग विधामा सम्मान तथा पुरस्कृत गरिएको थियो । त्यसैगरि सस्थाका ज्येष्ठ सदस्यलाई दोसाल्ला, मायाको चिनो र सम्मान पत्रबाट सम्मान गरिएको थियो । संस्थाका कनिष्ट सदस्यलाई मायाको चिनो र प्रंशसा पत्रबाट सम्मान गरिएको थियो । शेयर सदस्यका छोराछोरी सामुदायिक र निजी विद्यालयबाट सर्वोत्कृष्ट नतिजा ल्याउने १ र १ जनालाई ३ र ३ हजार नगद सहित सम्मानपत्रबाट सम्मान तथा पुरस्कृत गरिएको थियो । त्यसैगरि संस्थामा कार्यरत वर्ष उत्कृष्ट कर्मचारी ३ जना र कर्मचारीहरु मध्ये सर्वोत्कृष्ट १ जना कर्मचारीलाई सम्मान तथा पुरस्कृत गरिएको थियो । संस्थाका व्यवस्थापक सरु ढकालज्यूले संचालन गरेको कार्यक्रममा उपाध्यक्ष शान्तालाल प्रधानज्यूले स्वागत मन्तव्य व्यक्त गर्नुभएको थियो ।
त्यसैगरी सचिव मदन प्रसाद पौडेलज्यूले बार्षिक प्रगति प्रतिवेदन र भावि कार्य योजना र कोषाध्यक्ष मनोज कुमार अग्रवालज्यूले आर्थिक प्रतिवेदन एवं प्रस्तावित अनुमानित बार्षिक बजेट, लेखा सुपरिवेक्षण समितिका सदस्य गोविन्द पराजुलीले लेखा सुपरिवेक्षण समितिको प्रतिवेदन प्रस्तुत गर्नुभएको थियो । साधारण सभामा लेखा परिक्षण प्रतिवेदन सहित प्रस्तुत तिनै प्रतिवेदन सर्वसम्मत अनुमोदन भएको छ । सोही साधारणसभाले आन्तरिक कार्यबिधि तथा विनियम संसोधन गर्ने प्रस्ताव समेत पास गरेको छ । कार्यक्रममा व्यवस्थापक सरु ढकालज्यूले संस्थागत गतिबिधि, वर्तमान अवस्था, प्रस्तावित विषयहरु र कर्मचारीहरुको भुमिका बारे समिक्षात्मक धारणा व्यक्त गर्नुभएको थियो ।
वि.सं. २०६४ सालमा “समुदायमा आधारित उत्कृष्ट, व्यवसायिक एवं दिगो वित्तिय सहकारी संस्था”को परिकल्पना सहित स्थापित यस संस्थाले आय मुलक तथा सेवामुलक लगायत क्षेत्रमा बचत तथा ऋण मार्फत सेवा प्रदान गर्दै आएको छ । भरतपुर महानगरपालिका वडा नं। १ देखि २९ सम्म कार्यक्षेत्र रहेको भरतपुर महानगरपालिका वडा नं. ३ लायन्स चोकमा मुख्य कार्यालय रही भरतपुर ५, विकास चोकमा सेवा केन्द्रबाट सेवा प्रदान गर्दै आएको यस संस्थाको आषाढ मसान्त सम्म ३०१८ शेयर सदस्य रहेका छन् । संस्थाको चुक्ता शेयर पुँजी ४करोड ७९ लाख, बचत २७ करोड ८५ लाख, कर्जा लगानी २६ करोड ५५ लाख, संस्थागत पुँजि १३।९३ प्रतिशत रहेको छ । सभाका सभाध्यक्ष बाल गोपाल चुकेज्यूले एभरेष्ट साकोसलाई अहिलेसम्मको स्थायित्व, विश्वसनियता र पहिचान सम्म ल्याउन सदस्यहरुको विश्वास, साथ, सक्रियता र निरन्तर सहयोग नै मुल आधार रहेको बताउदै सम्पुर्ण सदस्यहरुलाई आभार सहित धन्यवाद व्यक्त गर्नुभएको थियोे ।
यस साधारणसभाबाट नयाँ सञ्चालक समितिको चयन गरिएको छ । नवनिर्वाचित सञ्चालक समितिको अध्यक्षमा मदनप्रसाद पौडेल, उपाध्यक्षमा मनोज कुमार अग्रवाल, सचिवमा संगिता अधिकारी, कोषाध्यक्षमा हरिकुमार राजभण्डारी, सदस्यहरुमा विष्णु प्रसाद दवाडी, कृष्ण प्रसाद सिग्देल र अनुषा चुके चयन हुनुभएको छ । संयोजक अधिवक्ता डा.कुन्साङ लामा, सदस्य श्री अर्जुन अधिकारी र श्री अग्मु श्रेष्ठ सहितको ३ सदस्यीय निर्वाचन उपसमितिले निर्वाचन सम्बन्धि प्रक्रिया सम्पन्न गरि नव निर्वाचित सञ्चालक समिति र लेखासुपरिवेक्षण समितीलाई निर्वाचन उपसमितिका संयोजक अधिवक्ता डा.कुन्साङ लामा ज्यूले सपथ ग्रहण गराउनु भएको थियो ।
